15/05/2019 - Acto central en España do Día Internacional da Luz 2019

 

Santiago de Compostela foi a cidade encargada de acoller o Acto Central do Día Internacional da Luz 2019. O evento foi celebrado a mañá do 15 de maio no Hostal dos Reis Católicos, organizado pola Profesora María Teresa Flores-Arias en colaboración cos profesores Carmen Bao Varela e Justo Arines Piferrer, do Departamento de Física Aplicada da Universidade de Santiago de Compostela. Na organización do evento tamén colaboraron os membros do OSA Student Chapter de Santiago de Compostela presidido pola estudante de doctorado María Aymerich.

 

Desde o grupo Photonics4Life desexamos agradecer a colaboración de todos os participantes do evento, en especial ós ponentes Pablo Artal, María de los Ángeles Rol, Luis Plaja e Mercedes Angulo.

 

No canle de vídeo da USC pódese acceder aos momentos máis destacados do día premendo neste enlace.

24/06/2019 - Participación na serie web "A Universidade Responde"

 

O grupo Photonics4life colaborou na terceira temporada da serie web da USC "A Universidade Responde", unha serie de vídeos curtos educativos onde se explican fenómenos físicos cotidianos.

 

Neste capítulo a profesora María Teresa Flores-Arias explica o uso de lentes polarizadoras aplicadas ao cine en 3D. Estes vídeos serán tamén emitidos no programa da televisión nacional "La aventura del saber".